Біздің балабақша – мектепке дейінгі жастағы балалардың тұлғалық дамуына, шығармашылық қабілеттерін ашуға және жан-жақты тәрбиеленуіне бағытталған мекеме. Мұнда балалардың жас ерекшеліктері мен қызығушылықтарына сай дамытушы орта қалыптастырылған.

Тәрбиешілер мен педагогтар әр баланың жеке ерекшелігін ескере отырып, сүйіспеншілік пен қамқорлыққа толы жағдай жасайды. Балаларға эстетикалық тәрбие, танымдық қабілеттерін дамыту, тіл мәдениетін жетілдіру, қимыл-қозғалыс белсенділігін арттыру бағытында жүйелі жұмыстар жүргізіледі.

Балабақшада заманауи оқу-тәрбие бағдарламалары негізінде күнделікті оқу іс-әрекеттері, ойын, шығармашылық және спорттық шаралар ұйымдастырылады.

Мекеме ұжымы – білікті, тәжірибелі, жаңашыл педагогтардан құралған. Негізгі мақсатымыз – бақытты, білімге құштар, жан-жақты дамыған, отбасын және туған елін сүйетін тұлға тәрбиелеу.

Мектепке дейінгі жастағы балалардың шығармашылық қабілетін дамытып, ұлттық және жалпыадамзаттық құндылықтарды бойына сіңіре отырып, тұлғалық қалыптасуына жағдай жасау. Балаларға мейірім мен қуаныш сыйлайтын, әр күнін қызықты ететін, қауіпсіз және дамытушы орта қалыптастыру.